ازاي نعرف الشخصية الكريمة من الشخصية البخيلة؟

1*نظرة سريعة شاملة للأشكال الخمسة :

 الدائرة و المثلث و المتعرج ال 3 أشكال دول أكتر الأشكال كرم و صرف و تبذير
بس في فرق بينهم طبعا 

الدائرة في الكرم ( بتحب تتمتع بالحياة و تصرف مع اصحابها في الفسح و الخروج )

المثلث في الكرم ( شخصية بتحب الاحساس بقوة المال في إيدها و لو كانت الشخصية دي راجل بتحب تصرف بكرم أوووووووي على البنت اللي بتشاركها الحياة سواء خطيبة أو زوجة ) 

المتعرج بقى ( هو ده الشكل المبذر و المسرف فعلا مش بيبخل على نفسه ولا على غيره بحاجة في إيده لكن بيدبر أموره بردو مش أهبل يعني )

المستطيل ( الشكل ده شكل متقلب بيعبر عن التقلب في كل نواحي الحياة لكن بردو بيكون بنسب حسب موقعه من الترتيب ) المستطيل يوم تلاقيه كريم يوم حريص يوم بخيل
كل يوم يطلع لك بخطة شكل و تفكير شكل
بيحيرك وراه 

المربع: هو دا الشكل البخيل ؛ لأنه بيخاف من بكرا دايما
هو دا الشكل اللي بيقول القرش الأبيض ينفع في اليوم الأسود

2- تحليل الشخصية الكريمة من البخيلة حسب الترتيب الهندسي:

الدائرة بعدها مثلث أو متعرج دي شخصية كريمة جدا جدا و مبذرة 

الدائرة بعدها مربع تبقى شخصية حريصة

الدائرة بعدها مستطيل بتبقى متقلبة مرة تكون كريمة ومرة مبذرة ومرة حريصة 

المثلث بعده دائرة بتكون شخصية كريمة جدا

المثلث بعده متعرج بيكون شخصية مسرفة 

المثلث بعده مربع بيكون شخصية حريصة

المثلث بعده مستطيل بيكون شخصية متقلبة

المتعرج بعده مثلث أو دائرة بيكون شخصية مسرفة 

المتعرج بعده مربع بيكون شخصية حريصة

المتعرج بعده مستطيل بيكون متقلب 

المربع بعده دائرة = حريص

المربع بعده مستطيل = بخيل

المربع بعده مثلث = حريص أو بخيل حسب الشكل اللي بعده

المربع بعده متعرج = حريص

المستطيل دا شكل في مرحلة انتقالية عشان كدا متقلب

المستطيل بعده متعرج بيكون مرة مسرف مرة كريم مرة حريص لأنه أصلا كان متعرج و بيحاول يتغير .

المستطيل بعده مربع بيكون أغلب الأوقات حريص لأنه أصلا كان بخيل وهو حاليا في مرحلة التغيير فبيصرف لما بيفتكر إنه عايز يتغير.

المستطيل بعده مثلث بيكون كريم بس بردو بيعتمد حسب الشكل اللي بعد المثلث.

المستطيل بعده دائرة بيكون كريم .

كفاية كدا

الأحد

26 رمضان 1434

4-8-2013