الأشكال الهندسية و علاقتها بالشخصية
أكتر حاجة أنا متخصصة فيها و بعشقها هي : تحليل الشخصية بالأشكال الهندسية
الصورة دي فيها 5 أشكال هندسية أنا عاملاهم بنفسي
أصل أنا عندي أكاونت في منتدى فتكات باسم : crazy mind
و عملت موضوعين عدوا 2000 مشاركة عن تحليل الشخصية باستخدام الأشكال الهندسية
أعرفكم بالأشكال الرئيسية المهمة و هي 5 زي ما كان عندنا 5 حواس بردو :
1- المربع
2- المثلث
3- المستطيل
4- الدائرة
5- الزجزاج ( المتعرج )
السؤال هنا : ازاي بتبان ملامح الشخصية لكل إنسان من خلال الأشكال دي؟
ارسموا الأشكال دي في ورقة و رتبوها بالترتيب
الأقرب لقلبك .. اللي بتحبوه أكتر من غيره يبقى نمبر وان
و اللي بتكرهوه أو مش بتحسوا بأي احساس ناحيته يبقى ذا لاست وان " آخر واحد "
كدا هيبقى لكل شكل من الأشكال الخمسة دي 125 ترتيب
المربع له 125 ترتيب يعني له 125 تحليل شخصية مختلفين
المثلث له 125 ترتيب يعني له 125 تحليل شخصية مختلفين
المستطيل و المتعرج والدائرة كل واحد له 125 ترتيب
يعني المجموع : 625 ترتيب
625 شخصية مختلفة بعرف أحددها من بين كل البشر
و اللي هيتابعني هيعرف بردو يحددها و مش هيندهش من أي حاجة هتقابله في حياته بإذن الله
أكيد في حد هيسأل: يعني العالم كله .. الـ 8 مليار دولار عبارة عن 625 شخصية بس؟
هقول له : دي الشخصيات الرئيسية يعني الصفات الرئيسية
دا غير إن ترتيبك للأشكال الهندسية دلوقتي ممكن يختلف الشهر الجاي .. السنة الجاية
حسب الصفات اللي انت غيرتها ، حسب البيئة اللي انت فيها ، حسب خبراتك اللي اكتسبتها
يعني الأشكال الهندسية هنا مــــرنة
كفاية كدا النهاردة و بكرا نكمل إن شاء الله
18-7-2013
9-9-1434
الخميس
ليست هناك تعليقات:
إرسال تعليق